Liverpool-i duket se është shumë afër për të sjellë sulmuesin suedez Alexander Isak nga Newcastle United, pasi një marrëveshjeje rekord, klubi mund t’i hapë rrugën kësaj transferimi. Kampionët e Premier League-s kanë treguar interes të madh për Isak, pas largimeve të Luis Diaz dhe Darwin Nunez, ndërsa skuadra e Arne Slot po kërkon përforcime në sulm dhe po përballet edhe me pasojat e ndarjes tragjike të Diogo Jota-s.

Për momentin, Isak ka tri vite kontratë me Newcastle dhe klubi anglez nuk kishte ndërmend ta shiste gjatë këtij sezoni. Megjithatë, situata është komplikuar pasi sulmuesi ka refuzuar të marrë pjesë në aktivitetet e skuadrës dhe ka shprehur qartë se nuk dëshiron të luajë më për Magpies. Ai mungoi edhe në turneun parasezonal në Lindjen e Largët për shkak të një lëndimi muskular, por Liverpool-i mund të marrë dritën jeshile për transferimin nëse Newcastle siguron zëvendësues të duhur dhe vlera e transferimit arrin në 203 milionë dollarë.

Më konkretisht, Newcastle ka fokusuar tani interesin tek Yoane Wissa, por Brentford-i ka qenë i paqartë për lirimin e tij deri sa të siguronte një zëvendësues. Sipas raportimeve të fundit, Brentford mund të ketë arritur marrëveshjen me Bournemouth-in për nënshkrimin e Dango Ouattara, duke paguar rreth 58 milionë dollarë. Nëse kjo lëvizje finalizohet, Wissa mund të transferohet tek Newcastle, duke hapur rrugën që Alexander Isak të realizojë ëndrrën e tij për të luajtur në Anfield para mbylljes së merkatos më 1 shtator.

Ky zhvillim mund të shënojë një efekt domino që do të përshpejtojë transferimin e Isak te Liverpool-i, një objektiv kryesor i kampionëve të Premier League këtë verë.