Jasir Asani vazhdon të impresionojë në Korenë e Jugut me shpërthimet e tij nga distanca, por këtë herë fati i ktheu shpinën. Në sfidën ndaj Jeonbuk-ut, sulmuesi i Kombëtares shqiptare ishte ndër më aktivët në fushë, duke luajtur të gjitha minutat dhe duke qenë gjithmonë një kërcënim për portën kundërshtare.

Në dy raste të veçanta, Asani tregoi klasin e tij me goditje të forta dhe të sakta nga jashtë zone, gjuajtje që vetëm traversa arriti t’i ndalë. Në të dyja episodet, topi përplaset me fuqinë e rrufeshme në shtyllën e sipërme, duke lënë portierin të shtangur dhe tifozët pa frymë.

Traversa e parë e Asanit

I pafat, por jo i zbehur në lojë, Asani dëshmoi edhe një herë se është një nga lojtarët më në formë në elitën koreane. Edhe pse goli nuk erdhi këtë herë, loja e tij mbetet sinjal i qartë se rrjeta do të tundet së shpejti.

Traversa e dytë e Asanit