Kapiteni i Realit, Naço Fernández është një legjendë e vërtetë e klubit të bardhë. Ai ka kaluar dymbëdhjetë sezone si lojtar në ekipin e parë, teksa debutoi në vitin 2011 nën drejtimin e Zhoze Murinjos.
Sezonin e kaluar dukej se kishte vendosur t’i jepte fund qëndrimit te Reali, por në fund zemra e bëri që të tërhiqej në momentin e fundit. Dymbëdhjetë muaj më vonë, historia përsëritet, por tani ai ka shkuar më tej. Sipas mediave spanjolle, ai u ka thënë drejtuesve të klubit se ideja e tij është të mos vazhdojë më bashkëpunimin me ekipin.
Madje ia ka bërë me dije diçka të tillë edhe presidentit Florentino Perez.
Gjithçka mund të ndryshojë siç ndodhi vitin e kaluar, por vendimi paraprak është marrë.
© SYRI.net
Bëje LIKE dhe merr lajmin e fundit nga Sporti: