Sot në mbrëmje, në orën 21:00 do të luhen sfidat e radhës të grupeve të Champions League.

Arsenal do të përballet me Lens, ku “Topçinjtë” kërkojnë fitoren dhe kualifikimin për në fazën tjetër. Ashtu si anglezët, edhe Real Madrid kërkon të njëjtën gjë në “Bernabeu” ndaj Napolit, por nuk do të jetë shumë e thjeshtë.

Inter ndeshet në transfertë ndaj Benfica, ku skuadra e Inzaghit do të kërkojë tre pikët për të tentuar vendin e parë në grup, edhe pse janë kualifikuar.