Inter ka vendosur të padisë Zytara Labs për mbi 30 milionë euro të papaguara për sponsorizimet e fanellave të zikaltërve të sezonit të kaluar. Klubi kishte apeluar në Gjykatën e Milanos, e cila lëshoi një urdhër kundër platformës dixhitale që zotëron markën Digitalbits. Pikërisht kjo markë u shfaq në fanellat e lojës, deri në pranverën e kaluar.

“Gjykata e Milanos ka lëshuar urdhrin ndaj Zytara Labs sipas kërkesës sonë. Aktualisht po procedojmë me hapat e nevojshëm për t’i dhënë komunikim adekuat palës tjetër”, thuhet në shënim. 

Në muajin shkurt Inter bëri të ditur se kompania në fjalë nuk kishte paguar asnjë nga 3 këstet e parashikuara në kontratë. E pak më pas nga konstatimi, marka u hoq nga uniformat e ekipit të parë, përpara marrëveshjes së re me Paramount+.