Milan do të presë në orën 18:45 ekipin anglez të Newcastle, sfidë e vlefshme për grupet e Champions League.

Psikologjia e Milanit nuk është aq e mirë, pasi kuqezinjtë u mposhtën thellë në derbi nga Interi me shifrat 5-1. Por kjo humbje, mund të vlejë edhe si një katapultë për të marrë energjitë e duhura dhe për ta shndërruar këtë makth në një ëndërr të bukur duke regjistruar kështu tre pikët e para në grup.

Nga ana tjetër, Newcastle nuk është aspak një ekip i lehtë për t’u mposhtur, dhe këtë gjë e ka treguar mjaft mirë sezonin e kaluar në Premier League.