Transferimi më i fundit i Real Betisit, Ez Abde, ka konfirmuar se u largua nga Barcelona për shkak të minutazhit të ulët nën urdhrat e Xavi Hernandezit.
Abde bëri një lëvizje befasuese te rivali duke marrë parasysh se tekniku katalanas e shihte si pjesë të projektit.
Mirëpo, me kalimin te Betis, Abde konfirmoi se vendosi të largohej pasi e pa veten në stol në tre ndeshjet e para të sezonit.
“Nga dita e parë drejtori sportiv (Planes) më kontaktoi dhe i thashë se doja të vija vetëm te Betisi. I besova Planes dhe e dija që marrëveshja do të realizohej në kohën e duhur.
Kishte interesim nga klubet e tjera. Nga Barcelona më thanë se donin që unë të qëndroja, por në tre ndeshjet e para Xavi nuk më futi në lojë dhe doja të ikja sa më parë sepse doja të luaja nga minuta e parë”, ka thënë Abde.
© SYRI.net
Bëje LIKE dhe merr lajmin e fundit nga Sporti: