Joao Cancelo është një lojtar i ri i Barcelona-s.

Siç ka deklaruar gjatë prezantimit, ai ka realizuar një ëndërr që e kishte si fëmijë. Në të vërtetë, ai gjeti mbylljen e një rrethi që e bashkoi me nënën e tij, e cila së fundmi u nda nga jeta:

“Ajo më sheh nga qielli çdo ditë, dhe unë dua t’i kushtoj një mendim asaj dhe gjithë familjes dhe miqve të mi. E dinte shumë mirë se ky është klubi për të cilin kam dashur të luaj që kur isha fëmijë, është një krenari që jam këtu”.

Kultura Blaugrana, ajo që Cancelo thotë se e ka në gjak: “Unë identifikohem me këtë mentalitet, me idhujt e mi që kanë kaluar të gjithë këtu”.

Për mbrojtësin portugez ëndrra është Champions League: “Këtu punon me ëndrrën dhe në të njëjtën kohë me përulësinë e përpjekjes për të fituar tituj. Më pëlqen ky presion pozitiv”.

Njeriu i merkatos të Barcelona-s, Deco, shpjegoi se drejtuesit e klubit tani janë të bindur se me ardhjen e Cancelo dhe Joao Felix Barcelona do të jetë në gjendje të bëjë një hap të madh në cilësi: “Me ata të dy ne mund të bëhemi një ekip më i mirë dhe të fitojmë”.

Cancelo mund të zgjidhë problemet që mundojnë skuadrën e Xavi-t në krahun e djathtë të mbrojtjes që nga lamtumira e Dani Alves.