Hugo Lloris dëshiron të luajë në Champions League, mundësi që Tottenhami nuk ia dhuron.

Portieri francez ka edhe një vit kontratë me Spurs, por së shpejti pritet të vijë mbyllja e bashkëpunimit me dakordësi.

Vetë “gardiani” francez e ka shprehur publikisht dëshirën e tij për ta mbyllur me Tottenhamin.

36-vjeçari mbron portën e skuadrës londineze prej gushtit të vitit 2012, ndërkohë që më parë ka luajtur me Nice dhe Lyon në vendlindje.

E ardhmja lidhet me Italinë. Shtypi francez shkruan se Lloris mund të kalojë te Lazio e Sarrit.

Bardhekaltrit, këtë sezon do të luajnë në grupet e Champions League, kompeticion ku eksperienca ka një rëndësi të veçantë.

Lloris numëron 145 ndeshje me kombëtaren e Francës. Me “Gjelat” fitoi Botërorin “Rusi 2018” si protagonist, teksa ka luajtur edhe dy finale të tjera, atë të Euro 2016 dhe Kupën e Botës “Katar 2022”, të dyja të humbura kundër Portugalisë së Ronaldos dhe Argjentinës së Leo Messit.