Mirlind Daku e ka nisur me këmbën e mbarë aventurën te Rubin Kazan.
Sulmuesi ka realizuar në ndeshjen e parë të tij zyrtare me skuadrën e re, duke ndëshkuar që në minutën e 3-të Lokomotivën e Moskës.
25-vjeçari arriti që në prekjen e parë të topit në përballjen e javës së parë që gjente rrugën e rrjetës, duke finalizuar me kokë një harkim që i erdhi nga e djathta.
DAKUUUUUUU! THIS IS ON HIS DEBUT! 🔥🔥🔥
— FC Rubin Kazan (@fcrk_en) July 22, 2023
Mirlind scores after Rozhkov's service ⚡️
We take the lead three minutes in!
Loko 0️⃣-1️⃣ Rubin pic.twitter.com/T0LzDR55Y3
Një debutim ëndrrash për sulmuesin shtatlartë, që e ka nisur në mënyrën më të mirë të mundshme eksperiencën e tij në futbollin rus.
Vetëm pak ditë më parë Daku u transferua tek Rubin Kazan, një operacion që i ka kushtuar 1.5 milionë euro.
Daku është pajisur dhe me pasaportën shqiptare, ndërkohë që nuk ka luajtur asnjë ndeshje zyrtare me Kosovën, ç’ka bën të jetë një opsion edhe për Kombëtaren e Shqipërisë, që mund ti bëjë vend që në ndeshjet e shtatorit, nëse Daku ruan ritmin me të cilin nisi sezonin e ri në Rusi.
© SYRI.net
Bëje LIKE dhe merr lajmin e fundit nga Sporti: