Cristiano Ronaldo nisi “eksodin” e yjeve të futbollit nga Evropa drejt Arabisë Saudite dhe llojin e ndikimit e tregon më së miri një detaj nga ndeshja ndaj Benficas.

Edhe pse sauditët kanë investuar shuma të mëdha parash për të sjellë yjet më të mëdhenj të futbollit në kampionat, (jo)cilësia e futbollit Al Nassr dëshmohet në provat miqësore me klubet evropiane.

Al Nassr i Ronaldos, që transferoi Marcelo Brozovic këtë verë, fillimisht pësoi një humbje të thellë ndaj Celta Vigos (0-5), dhe më pas u mposht nga Benfica (1:4).

Megjithatë, që Ronaldo është më i madh se klubi dhe futbolli saudit, u pa në momentet kur trajneri Luis Castro tentoi ta zëvendësojë.

It’s official Cristiano Ronaldo literally controls Al nassr club and the coach man asks another 5 minutes more 😭simply pic.twitter.com/C8M9dItlPb

— lina (@luxlina_) July 20, 2023

Castro përgatiti zëvendësimin, mirëpo, portugezi tregoi se edhe ai po çuditej më shumë se trajneri i klubit nga rezultati i ndeshjes, ndaj vendosi të luajë edhe pesë minuta të tjera.

Ronaldo i tregoi trajnerit të tij se donte të luante dhe 5 minuta, gjë që edhe ndodhi.

Edhe pse mund të mos jetë popullore të shohësh një futbollist që shkon kundër vendimeve të trajnerit, kjo lëvizje e Ronaldos shkaktoi edhe entuziazmin e disa fansave të tij të cilët shprehen se ai ka treguar edhe një herë se sa shumë dëshiron të ketë sukses dhe të konkurrojë, sepse çdo minutë është e rëndësishme për të, qoftë edhe në një ndeshje miqësore.