Marseille ka kompletuar transferimin e Pierre-Emerick Aubameyang.

Sulmuesi nga Gaboni është prezantuar këtë të premte, teksa ka nënshkruar kontratë tre-vjeçare.

Aubameyang në “Velodrome” ka kaluar si futbollist i lirë, pasi arriti marrëveshje me Chelsean për shkëputje të kontratës.

Për 34-vjeçarin është ky një rikthim i tij në elitën e futbollit francez, Ligue 1.

Ai më herët ka qenë pjesë e Dijon, Lille, Monaco dhe Saint-Etienne.

Pierre-Emerick Aubameyang pastaj karrierë bëri edhe te Borussia Dortmund, Arsenali e Barcelona.