“Bum-Bum, Armando Sadiku”, është një nga momentet që nuk do të harrohet thuajse kurrë nga të gjithë shqiptarët kudo që ndodhen, me sulmuesin shqiptar që e ka rikthyer dhe njëherë në memorie atë natë historike në Lion.

Sadiku ka zgjedhur që golin e tij kundër Rumanisë në “EURO 2016” ta bëjë tatuazh në krahun e tij, i cili përveç se mënyrës si shënoi, ai ka shtuar dhe datën e sfidës, 19 qershor 2016 dhe qytetin Lion.

32-vjeçari u thirr sërish në Kombëtare në dy sfidat e luajtura kundër Moldavisë dhe Ishujve Faroe, përpara se të transferohej në Indi te skuadra e Mohun Bagan SG, e cila gjithashtu e mirëpriti me këtë gol historik.