Reiss Nelson ka nënshkruar një kontratë të re me Arsenalin.
Ish-lojtari i Anglisë U-21 ka hedhur firmën e tij në një kontratë të re 4-vjeçare, që do të thotë se ai do të jetë pjesë e skuadrës deri në vitin 2027.
23-vjeçari në edicionin e kaluar bëri tetë paraqitje në Premier League, duke realizuar kundër Bournemouth dhe Nottingham Forest.
Trajneri i Arsenalit, Mikel Arteta e ka vlerësuar futbollistin.
“Ai ka aftësi të jashtëzakonshme. Reiss e di se sa i rëndësishëm është për skuadrën tonë me cilësinë që ka. Ai e njeh këtë klub kaq mirë, ai u rrit këtu dhe ne mezi presim të shijojmë shumë momente të tjera të mira me të”, ka thënë spanjolli.
© SYRI.net
Bëje LIKE dhe merr lajmin e fundit nga Sporti: