Hakim Ziyech i është mohuar sërish largimi nga gjigantët e Premierligës, pasi dështoi në testet mjekësore në Al-Nassr .
Ziyech ka kaluar një periudhë të tmerrshme në “Stamford Bridge” që kur iu bashkua bluve nga Ajax dhe është i interesuar të ringjallë karrierën e tij diku tjetër.
Ai fillimisht kishte tentuar të largohej në janar, por Chelsea dështoi me dokumentet në lëvizjen e tij te PSG dhe ajo u mohua.
Për pjesën më të madhe të verës është dukur sikur ai do të ndiqte bashkëlojtarët N’Golo Kante, Edouard Mendy dhe Kalidou Koulibaly në Ligën Pro Saudite.
Al-Nassr i bëri marokenit një ofertë fitimprurëse që ai të bashkohej me Cristiano Ronaldon në nënkampionët e sezonit të kaluar.
Por kjo marrëveshje tani duket se ka rënë pasi Ziyech dështoi në testet mjekësore të tij, siç u raportua fillimisht në Arabi.
Ziyech pritej të përfundonte një transferim prej 17 milionë paundësh në Arabinë Saudite këtë verë.
Dështimi i tij do të thotë se kjo lëvizje tani nuk do të ndodhë dhe Ziyech do të rikthehet në “Stamford Bridge”.
© SYRI.net
Bëje LIKE dhe merr lajmin e fundit nga Sporti: