Njëzet ditët e fundit mund të konsiderohen si më të vështirat për tifozët e Milanit në dekadat e fundit dhe gjërat e këqija ndikojnë në faktin se kuqezinjtë mund të bien në një humnerë të rrezikshme në periudhën e ardhshme.

Gjithçka filloi më 5 qershor. Ndonëse ka qenë prej kohësh dhe më shumë se veteran, Zlatan Ibrahimovic ka marrë vendim që në ndeshjen e fundit të sezonit mes Milanit dhe Veronës të tërhiqet dhe t'i japë fund karrierës së tij futbollistike.

Në vend që të qëndronte në klub, siç pritej, Ibrahimovic nuk qëndroi në Milano. Edhe pse nuk luajti shumë muajt e fundit, ai kishte një rëndësi të madhe dhe së bashku me Stefano Piolin drejtuan skuadrën dhe ishin motivuesi më i madh në fushë.

Një ditë pas kësaj, një lajm tjetër i rëndë tronditi milanezët. Legjenda e klubit Paolo Maldini u detyrua të largohej nga posti i drejtorit teknik dhe Frederic Massara u shkarkua nga posti i drejtorit sportiv.

Lëvizja shkaktoi zemërim te tifozët e Milanit të cilët kërkuan largimin e pronarit të klubit Gerry Cardinale.

Një lajm i ri i keq erdhi më 12 qershor. Silvio Berlusconi, njeriu që krijoi Milanin e madh dhe që zotëroi klubin për 30 vjet gjatë të cilave kuqezinjtë fituan 29 trofe të mëdhenj, kishte ndërruar jetë. Ai u konsiderua me të drejtë pronari më i suksesshëm i një klubi në historinë e futbollit.

Kaosi ka vazhduar me shitjen e Sandro Tonalit. Projekti më i madh i klubit, kapiteni i destinuar për 15 vitet e ardhshme, i është shitur Newcastle pa asnjë njoftim dhe kjo ka intensifikuar protestat e tifozëve të Milanit.