Shqipëria përballet ditën e nesërme me Moldavinë në “Air Albania”, sfidë e vlefshme për grupin E të eliminatoreve të Euro 2024.

Përsa i përket formacionit, dilema më e madhe e Sylvinhos është porta, aty ku garojnë për një fanellë titullari Etrit Berisha dhe Thomas Strakosha. Por sipas të dhënave të fundit, Strakosha është pak më i avantazhuar.

Në qendër të mbrojtjes rikthehen dyshja Berat Gjimshiti dhe Ardian Ismajli. Në të djathtë kapiteni Elseid Hysaj, teksa postin e mbrojtësit të majtë do e mbulojë Mario Mitaj.

Ylber Ramadani dhe Keidi Bare pritet të formojnë “digën” përpara mbrojtjes, me Nedim Bajramin përpara i fokusuar te pjesa sulmuese. Myrto Uzuni dhe Jasir Asani do të formojnë krahët e ofensivës, teksa Sokol Cikalleshi do të rreshtohet në majë me objektivin për të shënuar gol.

                                                                    Formacioni i mundshëm i Shqipërisë

                                                                                Strakosha (Berisha)

                                                                          Hysaj Gjimshiti Ismajli Mitaj

                                                                                   Ramadani Bare

                                                                              Asani N. Bajrami Uzuni

                                                                                       Cikalleshi