Policia çeke sipas “Sky Sports” ka arrestuar më shumë se 30 persona teksa dhuna ka pësuar rritje përpara finales së Ligës së Konferencës së Evropës ndërmjet West Hamit dhe Fiorentinës në Pragë.

Mendohet se një grup tifozësh të West Ham ishin duke pirë në një lokal në qendër të qytetit kur u sulmuan nga një numër i madh italianësh të veshur të gjithë me të zeza.

Ndërsa mbështetësit e tjerë të West Ham mbërritën në vendngjarje, policia çeke hyri për të mbajtur grupet rivale të ndarë.

Policia çeke konfirmoi se tre persona u plagosën dhe një polic u sulmua gjithashtu.

Fiorentina ‘fans’ have turned up in Prague and are causing damage anywhere and everywhere they go.

I hope West Ham batter them tonight ⚽️ pic.twitter.com/Byy3I7kz2f

— Suzesport.com (@SuZeSport) June 7, 2023

Rreth 20,000 tifozë të West Ham janë në Pragë, shumica pa bileta, për finalen midis ‘Hammers’ dhe Fiorentina, që fillon në “Eden Arena” të Pragës në orën 21:00.