Sevilla do të kërkojë fitoren sonte në mbrëmje përballë Romës në Budapest.
Trajneri i spanjollëve, Hoze Luis, doli në konferencën e zakonshme për shtyp, ku u shfaq optimist.
“Ne po i afrohemi kësaj finale me qetësi. I thashë Mourinhos se jam i nderuar të përballem me të. Ai ka marrë pjesë në shumë finale, ndërsa për mua është e para. Por po e përgatis sikur të ishte ndonjë ndeshje e çfarëdoshme, sepse nuk dua t’i transmetoj nervozizëm lojtarëve. Ata janë të gjithë të disponueshëm dhe të gjithë mezi presin të jenë atje.
Kush do të luajë në vend të Akunja-s? Të them të drejtën, ende nuk i kam idetë e qarta për këtë. Kam vetëm dy muaj e gjysmë këtu dhe gjërat po shkojnë mirë. Sa për të ardhmen, do të shikoj”, tha ai.
© SYRI.net
Bëje LIKE dhe merr lajmin e fundit nga Sporti: