Haxhi Krasniqi do të ndeshet për herë të parë në një sfidë spektakolare në stadiumin e Prishtinës “Fadil Vokrri”.

Në një postim të publikuar në rrjetet sociale, vetë boksieri kosovar me pasaportë gjermane shkruan:

“Miq të dashur, duket se dita jonë po ofron, një ëndërr e madhe e imja, besoj edhe e secilit prej jush, ka nisur jetësimin e saj. Dita për të boksuar në vendin tim, para popullit tim të dashur, po afron. Sot po e bëj publike punën tonë lidhur me këtë organizim, për të cilin janë mbledhur bashkëpunëtorët më të denjë të kësaj fushe, që më datë 5 gusht, të kësaj vere, unë t’u dhuroj të gjithë përkrahësve, Prishtinës dhe vendit tim, Kosovës, natën e paharruar të boksit profesionist ndërkombëtar, në stadiumin e kryeqytetit, “Fadil Vokrri”.