Kanë përfunduar 5 sfidat e vlefshme për javën e 32-të të Bundesligës gjermane.
Bayerni i Mynihut nuk ka zhgënjyer në shtëpi teksa ka mposhtur me goleadë Shalke 04.
Një ndeshje e dominuar plotësisht nga bavarezët, teksa autorët e golave janë Myler, Kimish, Gnabri, Tel dhe Mazraoui.
Me këtë fitore, bavarezët shkojnë në kuotën e 68 pikëve duke vijuar rrugën drejt titullit.
Kur kanë mbetur edhe 2 ndeshje deri në përfundim të kampionatit, Bayerni ka 4 pikë më shumë se Dortmundi, i cili do të luajë sot në orën 18:30 sfidën e tij me Borusian e Moenchegladbachut.
Në takimet e tjera, Union Berlini ka fituar ndaj Freiburgut me rezultatin 4-2, duke shkuar në kuotën e 59 pikëve në vendin e 3-të.
Frankfurt ka mundur me 3 gola Mainzin dhe Bokum Augsburgun.
Wolfsburg ka marrë një 3 pikësh shumë të rëndësishëm përballë Hofenheimit.
© SYRI.net
Bëje LIKE dhe merr lajmin e fundit nga Sporti: