Thiago Silva po luan sezonin e fundit me Chelsea. Mbrojtësi i njohur ndodhet në vitin e fundit të kontratës. Në verë del lojtar i lirë dhe 38-vjeçari mund të rikthehet në vendlindje.
Tabloidi britanik The Telegraph raporton se braziliani nuk ka hequr dorë nga përfundimi i karrierës së tij te Fluminense, klubi që e ringjalli në vitin 2006 pasi u sëmur nga tuberkulozi te Dinamo e Moskës.
Presidenti i klubit brazilian, Mario Bittencourt dhe Marcelo, i cili u rikthye te Fluminense pas aventurës aspak pozitive tek Olympiacos, po tentojnë ta bindin të rikthehet në shtëpi.
Thiago Silva luan me Chelsea prej gushtit të vitit 2020. Me “Blutë e Londrës” realizoi ëndrrën e madhe të fitimit të Champions League (2021).
© SYRI.net
Bëje LIKE dhe merr lajmin e fundit nga Sporti: