Napoli është kampioni i ri i Italisë, megjithëse ende jo zyrtarisht, pasi ende nuk e ka siguruar matematikisht skudeton.

Vetëm 1 pikë e ndan skuadrën napolitane nga titulli i tretë në histori dhe këtë pikë duhet ta marrë në 6 javët e mbetura të kampionatit.

Në një mbledhje në Prefekturë ku është diskutuar për festimet e titullit kampion, De Laurentis nuk i ka ndalur sulmet për të shkuarën.

Numri një i Napolit është i bindur se skuadra e tij duhet të kishte më shumë trofe, por sipas kreut të klubit vjedhjet që janë bërë dhe parregullsitë ia kanë mohuar.

“Fitova një titull kampion me ndershmëri. Cikli fitues ka filluar kohë më parë dhe duhet të kisha më shumë trofe, por na janë mohuar dhe me parregullsitë e treguara ne kemi mbetur mbrapa.

Mund të kishim fituar më shumë kampionate, por sigurisht që fituam ato të ndershmërisë, sepse e di që për të jetuar duhet të ndiqni rregullat, pavarësisht nëse duam apo jo.

Tani entuziazmi im është i jashtëzakonshëm pasi dëgjova marrëzi të tilla si se nuk doja të fitoja titullin kampion”, u shpreh mes të tjerash De Laurentis.