Napoli është rikthyer te fitorja në Serie A, duke triumfuar në derbin e javës së 32-të, ndaj Juventusit.

Skuadra e drejtuar nga Luciano Spalleti e fitoi këtë ndeshje si mysafire e bardhezinjve.

Ndeshja e zhvilluar në “Allianz Stadium” përfundoi me rezultatin 0-1.

Golin e fitores për napolitanët e shënoi Giacomo Raspadori (90+3’).

Giacomo Raspadori with a brilliant volley. What a winner.#JuveNapoli pic.twitter.com/J8ftjaNyXU

— $ (@samirsynthesis) April 23, 2023

Vlen të theksohet se “Zonja e Vjetër” ia doli të shënonte njëherë në minutën e 83-të përmes Angel Di Marias, por goli pastaj u anulua nga VAR-i për shkak të një faulli.

Napoli pas kësaj fitore ka 78 pikë dhe tani është edhe më afër që ta sigurojë edhe matematikisht titullin kampion.

Napoli tani ka 17 pikë më shumë se Lazio, që mban vendin e dytë, teksa Juventusi është i treti me 59 pikë.