Futbollisti portugez, Cristiano Ronaldo, është shpesh në shënjestër të provokimit të tifozëve kundërshtarë dhe në ndeshjen e fundit vendosi t'u përgjigjet thirrjeve "Messi, Messi" dhe të tregojë gjestikulacionet e tij për një sjellje të tillë.

Futbollistët e tij Al-Nassr humbën së fundmi në derbin e xhiros së 20-të të Premierligës Saudite ndaj Al-Ittihad me rezultat 1:0, ndërsa pas ndeshjes Cristiano Ronaldo u zemërua dhe reagoi ashpër për shkak të humbjes së ekipit të tij.

Kamerat kanë regjistruar momentin kur ai godiste me shkelma shishet që ndodheshin pranë fushës dhe tani është shfaqur një video e re që tregon se si ka reaguar futbollisti portugez pasi tifozët vendas e provokuan duke brohoritur emrin e Lionel Messit.

Ndonëse njihet si një lojtar që nuk i kthen sytë shumë pas ngjarjeve në tribunë, Ronaldo këtë herë e humbi durimin dhe u tregoi fansave se çfarë mendonte për brohoritjet e tyre.

Pasi ngriti supet fillimisht, ai bëri me dorë se ata "po flisnin shumë" dhe nga gjuha e trupit mund të dallohej se nuk ishte rehat me të gjithë.

🇸🇦 Al Nassr'ın yenildiği maçta, Ronaldo'ya Messi tezahüratları yapıldı.

pic.twitter.com/H10sE1XQM8

— TRANSFER HABER 🇹🇷 (@_TransferHaber_) March 11, 2023

Pas fitores në derbi, Al-Ittihad është i pari në tabelë me 47 pikë, ndërsa Al-Nassr është në vendin e dytë dhe ka një pikë më pak.

Në këtë sezon, Ronaldo luajti gjithsej shtatë ndeshje në kampionatin e Arabisë Saudite, duke shënuar tetë gola dhe duke regjistruar dy asistime.