Mbrojtësi i Arsenalit, Ben White, i cili ka përfaqësuar Anglinë katër herë dhe vlen rreth 55 milionë euro, tha se nuk shikon futboll dhe se do të ishte kopshtar nëse nuk do të ishte futbollist.

Lojtari 25-vjeçar tha në një deklaratë për The Sun se nuk do ta kishte problem të bënte punën që bënte babai i tij.

"Unë ndoshta do të punoja me babin tim nëse nuk do të isha futbollist. Dikur kam qenë kopshtar. I jam përkushtuar futbollit, por nuk do ta kisha problem të bëja atë që bënte babai im," shpjegoi White.

Lojtari i Arsenalit beson se hobi e ndihmoi atë të bëhej një atlet elitar, pasi ai mendon se nuk kishte presion duke u rritur.

Ai gjithashtu tregoi se gjatë fëmijërisë së tij nuk ka parë shumë futboll dhe ka befasuar duke pranuar se nuk i shikon ndeshjet as tani.

"Unë shikoj kaseta të lojërave të mia për të më ndihmuar të përmirësohem, por nuk do të shikoja një lojë për argëtim. Nuk mendoj se babai im më ka thënë ndonjëherë: "A duhet të shikojmë një lojë në TV?" Ai nuk është i interesuar për futbollin? Aspak, nuk mendoj se e kam parë të shikojë një lojë", shpjegoi White.

Së fundi, ai tha se çdo ditë mundohet të përmirësohet dhe se është i fiksuar të jetë më i miri në punën e tij, pavarësisht se çfarë bën.