Portieri uruguaian Martin Campana u bë i njohur në rrjetet sociale pas një ndërhyrjeje jo shumë të mirë kur Cristiano Ronaldo vrapoi në drejtim të portës.
Futbollistët e Al Nassr mposhtën Al Batin falë një përmbysje të pabesueshme 3-1 dhe vendasit i shënuan të tre golat në minutat e fundit.
Al Nassr mund të kishte shënuar më herët, por Cristiano Ronaldo nuk arriti të shënonte pas një gabimi të çuditshëm dhe reagimit të portierit nga Uruguai.
Në video shihet Ronaldo duke u përballur një me një me portierin Campana. Më pas portieri uruguaian u hodh dhe më pas Ronaldo e kaloi dhe u nis i papenguar drejt portës së zbrazët.
walahi the Saudi league is scripted for Ronaldo, see what the goalkeeper did😂😂pic.twitter.com/E1L41oVe4D
— Bla Yaw✝🇬🇭 (@obrempong__) March 3, 2023
Campana reagoi në mënyrë të çuditshme dhe u hodh drejt futbollistit legjendar portugez, por Ronaldo e kaloi lehtësisht. Megjithatë, ai nuk arriti të shënonte pasi gjuajtja e tij e ngadaltë u ndalua nga një prej mbrojtësve të Al Batin.
“Pse u hodh”, “Nuk ka sesi të ndodhë kjo”, “Çfarë niveli i mbrojtjes është kjo”, “Ronaldo realisht luan në ligën amatore”, janë komentet e tifozëve të hutuar pas këtij reagimi të portierit.
Ronaldo, i cili ka kontratë deri në vitin 2025, ka shënuar tashmë tetë gola dhe ka dhuruar dy asistime në gjashtë paraqitje në kampionat për Al Nassr.
© SYRI.net
Bëje LIKE dhe merr lajmin e fundit nga Sporti: