Në transfertën më të shtrenjtë në Premier League të të gjitha kohërave, futbollisti argjentinas Enzo Fernandez u bë lojtar i ri i Chelseat pas përfundimit të marrëveshjes në orët e fundit të merkaton së janarit.

Talenti 22 vjeçar ka nënshkruar kontratë me blutë deri në verën e vitit 2031, më saktë për tetë vjet e gjysmë dhe kjo është mënyra se si Chelsea qëndron brenda ligjit për shkak të “fair play”-it financiar.

Gjatë gjithë janarit, Chelsea u përpoq të transferonte mesfushorin argjentinas, por Benfica nuk pranoi kurrë një ofertë nën klauzolën e blerjes, kështu që drejtuesit e klubit të Stamford Bridge përfunduan duke paguar 121 milionë euro, me kosto shtesë.

OFFICIAL: Enzo Fernández to Chelsea, signed and completed. 🔵🇦🇷 #CFC

Club statement confirm €121m deal plus extra costs — also, River Plate will receive 25% of it.

Enzo has signed contract valid until June 2031. pic.twitter.com/nbnkdNAPrt

— Fabrizio Romano (@FabrizioRomano) February 1, 2023

Dy palët e përmendura nuk janë të vetmet në këtë biznes dhe interesant është se River Plate do të marrë 25 për qind të këtij transferimi, saktë 30 milionë. Është rënë dakord që ky transferim të realizohet duke paguar në gjashtë këste, por që Chelsea të paguajë 40 milionë paund paraprakisht.

Në karrierën e tij të mëparshme, Fernandez luajti për River Plate dhe pas vetëm gjashtë muajsh dhe lojërash të jashtëzakonshme, u largua nga klubi më i madh portugez dhe u transferua te Blutë.

Enzo Fernández, new Chelsea player! All documents are signed between the clubs with Benfica and player side on contract valid until June 2031 ✅🔵🇦🇷 #CFC

Medical tests, done.

Payment in 6 installments — but £40m upfront. Boehly, Eghbalix board did it after mad 24h.

Here we go. pic.twitter.com/0wgbwYqU2c

— Fabrizio Romano (@FabrizioRomano) January 31, 2023

Ky është edhe rekordi i Premier League dhe ai i mëparshmi mbahej nga Jack Grealish, i cili u transferua nga Aston Villa te Manchester City për 117.5 milionë euro.