Një nga personat më të rëndësishëm në skuadrën e trajnerëve i ka kthyer shpinën Jurgen Klopp dhe Liverpool dhe në fjalë është Jim Moxon, i cili kryente funksionin e mjekut kryesor të klubit dhe kreut të ekipit mjekësor.

Pak para fillimit të sezonit, Moxon vendosi të largohej papritur nga pozicioni i tij. Sipas “Athletic”, të gjithë te Liverpool u habitën nga ky vendim dhe nuk mund të gjenin zëvendësuesin e tij për një kohë të gjatë.

Nga fillimi i sezonit deri në nëntor, Liverpool ishte pa një kryemjek klubi dhe në fund të nëntorit, Jonathan Power u bë mjeku i ri i klubit.

Por Moxon bëri tradhtinë më të madhe në futbollin anglez. Ndërsa të tjerët pyesnin veten pse ai u largua nga Liverpool kaq papritur, ai u transferua te rivalët e ashpër të Manchester United.

Menjëherë pas largimit nga Liverpool, Moxon mori një pozicion te rivali më i madh, Manchester United, ku punon së bashku me Steve McNally.

Por McNally do të largohet zyrtarisht nga Manchester United në janar, kështu që Moxon do të bëhet kryemjeku i United vetëm disa muaj pas largimit nga Liverpool.