Bayern Munchen po zhvillon një sezon fantastik deri tani, vendi i parë në Bundesliga dhe vendi i parë në grupet e Champions League, flet shumë për punën e trajnerit Julian Nagelsmann.

Ditën e sotme, tekniku i bavarezëve vlerësoi punën e të tijve, si dhe uroi tifozët për Krishtlindje dhe Vitin e Ri.

“Mendoj se luajtëm futboll të jashtëzakonshëm në gjysmën e parë të sezonit, pavarësisht një rënieje të lehtë. Kemi pasur ndeshje të shkëlqyera në kampionat, në Kupën e Gjermanisë, në Champions League.

Ju uroj të gjithëve Gëzuar Krishtlindjet dhe Vitin e Ri. Shpresoj që së bashku të festojmë fitoren e të gjithë trofeve të mundshme”, tha trajneri i Bayern Munchen.