Motra e Cristiano Ronaldos, Elma Aveiro ka ndarë një sërë “Story” në Instagram në mbështetje të vëllait të saj pas intervistës së tij me Piers Morgan e cila u transmetua mbrëmë.

Gjatë intervistës, Ronaldo akuzoi drejtuesit United dhe trajnerin Erik ten Hag se po përpiqeshin ta detyronin atë të largohej nga klubi. Ai sulmoi Wayne Rooneyn pasi ish-shoku i skuadrës kritikoi sjelljen e tij dhe më pas akuzoi Unitedin për mungesë ndjeshmërie pas sëmundjes së vajzës së tij.

Aveiro tha në Instagram se e vërteta po thuhet dhe se ajo do të jetë gjithmonë krenare për Ronaldon, pavarësisht se tifozët e United e kanë kritikuar atë për shkatërrimin e trashëgimisë së tij në klub.

Aveiro ndau një citim nga intervista e Ronaldos në “Story-n” e saj të parë në Instagram. Aty thuhej: “Nuk hesht për derën që do ta kem të vështirë ta hap sërish nga krenaria, por më shumë nga respekti për veten”. Në “Story-n” e saj të dytë në Instagram, ajo ndau sërish një foto të Ronaldos dhe Morgan të ulur së bashku. Mbi foto ajo ka shkruar: “Do të jem gjithmonë krenare për ty e dashura ime”.

Aveiro e quajti Ronaldon "krenarinë më të madhe të jetës së saj" në një “Story” të tretë në Instagram që përbëhej nga një video e shkurtër nga intervista shpërthyese.

“Story” e katërt e Aveiro në Instagram shfaqi lajmet e Ronaldos duke thënë se ai nuk e respektonte trajnerin aktual të Manchester United, Ten Hag. Aveiro shkroi: “E vërteta po thuhet”.

Motra e Ronaldos përfundoi duke shpërndarë postime në Twitter në mbështetje të vëllait të saj, duke i postuar ato së bashku me emoji dashurie.