Lëndimi i Erling Haaland nuk është serioz, ka konfirmuar sot trajneri i Manchester Cityt, Pep Guardiola, duke i lumturuar të gjithë tifozët e klubit.

Haaland doli në pjesën e parë të ndeshjes së Champions League kundër Dortmundit dhe kështu shqetësoi tifozët. Guardiola, i cili e hoqi norvegjezin nga lista kundër Leicesterit, konfirmoi se nuk ishte shaka.

Megjithatë, gjërat nuk janë aq të këqija. Guardiola në konferencën e sotme për shtyp ka konfirmuar se Haaland është më i mirë, pas goditjes që mori ndaj Dortmundit dhe se duhet të kthehet në fushë kundër Fulhamit në fundjavë.

"Erling nuk do të jetë në dispozicion për ndeshjen kundër Sevillas, por ai ndihet shumë më mirë. Ai ende nuk është 100 përqind dhe kjo është arsyeja pse ne nuk duam të rrezikojmë për nesër. Ne presim që ai të kthehet në ndeshjen ndaj Fulham," tha Guardiola.

City do të luajë nesër kundër Sevillas ndeshjen e fundit të fazës së grupeve të Ligës së Kampionëve dhe qytetarët tashmë e kanë siguruar vendin e parë, ndaj eksperti spanjoll mund t'u japë mundësi disa lojtarëve me më pak kohë.