Për Xavi Hernandez eliminimi nga Champions League nuk është fundi i botës, ai tashmë synon titullin e La Liga.

Duke folur për mediet përpara ndeshjes së Championsit ndaj Victoria Plzen, trajneri i Barcelonës theksoi se tituj do të fitohen në 2023-shin.

“Me siguri titujt do të fitohen në vitin 2023. Renditemi mirë në La Liga, në Champions nuk ka më shans. Hapat mund të jenë më të vegjël. Por titujt do të vendosen në vitin 2023. Jam shumë pozitiv për atë që shoh.”– tha Xavi.