Kategoria Superiore do të ngrejë siparin e javës së 10-të, ose e përkthyer ndryshe java e parë e fazës së dytë me tre ndeshje interesante ditën e sotme.
Në orën 14:00, në stadiumin e qytetit të Kamzës do të luhet dueli Kastrioti-Bylis.
Krutanët e Emiljano Çelës duan kthesën pas dy sfidave pa fitore.
E njëjta gjë vlen edhe për ballshiotët e drejtuar nga Arian Bellai, të cilët duan kthesën e rezultateve pozitive, teksa vijnë në këtë takim pas tre humbjesh radhazi.
Në orën 16:45, në stadiumin “Niko Dovana” do të zhvillohet ndeshja Teuta-Laçi.
Në këtë duel do të përballen dy ekipe që mbyllin tabelën e klasifikimit, teksa duan me çdo kusht fitoren për t’iu larguar zonës së ftohtë.
Në po të njëjtën orë do të luhet në stadiumin “Loro Boriçi” sfida Vllaznia-Erzeni.
Të dyja skuadrat kërkojnë fitoren për të qenë në pjesën e lartme të renditjes.
© SYRI.net
Bëje LIKE dhe merr lajmin e fundit nga Sporti: