Skuadra e Manchester United ka mbetur pa mbrojtësin Raphael Varane, i cili ka pësuar një dëmtim të rëndë në derbin e javës së 13-të të Premier League ndaj Chelsea-t, teksa është larguar i përlotur nga stadiumi Stamford Bridge.

Pasi u përpoq të largonte një top në drejtim të Aubameyang në pjesën e dytë, u kuptua menjëherë se Varane kishte pësuar një dëmtim, duke e lënë atë të shtrirë në tokë dhe duke u trajtuar nga mjekët më pas.

Teksa largohej nga fusha i dëshpëruar, mbrojtësi francez filloi të qajë menjëherë, pasi nuk mund të pajtohej me faktin se kishte pësuar një tjetër dëmtim, duke e ditur që Botërori ishte më pak se një muaj larg.

Ex Real Madrid player Varane:

1 WC, 4 UCL, 4 FIFA CWC, 3 LA LIGA, 3 UEFA SUPER CUP, 1 UNL, 1 CDR & 3 SPANISH SUPER CUP. https://t.co/Uf0qHSbV57

— Ron 🦅 (@RMFCRON) October 23, 2022

Shokët e skuadrës e ngushëlluan, u përpoqën t'i jepnin mbështetje në momente të vështira, por pavarësisht kësaj, Varane ishte plotësisht i dëshpëruar, qartë, më së shumti për shkak se Kupa e Botës në Katar po afrohet dhe nëse rezulton se lëndimi është i një natyrë më serioze, atëherë sigurisht që nuk do ta mbrojnë titullin kampion të fituar në Rusi.

Kujtojmë që derbi i madh mes Chelsea dhe Manchester United përfundoi pa fitues dhe rezultati përfundimtar ishte 1-1. Gjithçka që vlen të përmendet ndodhi në fundin e ndeshjes, fillimisht Chelsea kaloi në epërsi me golin e Jorginhos nga penalltia, dhe në fund të ndeshjes Casemiro shënoi me kokë për finalen 1-1.

Pas kësaj ajve, Chelsea mbetet në vendin e katërt me 21 pikë të grumbulluara, një më shumë se Manchester United që është i pesti me 20 pikë të grumbulluara. Në ndeshjen e radhës, Chelsea do të luajë me Brighton, ndërsa Manchester United do të luajë me West Ham.