Votimin nga Shqipëria për “Topin e Artë” e bën gazetari Besnik Dizdari.

Ai voton qysh nga viti 1987. Ishte koha kur Dizdari ka vendosur në vendin e pestë Sokol Kushtën e Flamurtarit, i cili deri më sot është i vetmi futbollist shqiptar që bën pjesë në librin e të votuarve, qoftë edhe me 1 pikë të vetme, në anketën e “Topit të Artë”.

Emri i tij ndodhet në librin jubilar të “Ballon d’Or” të “France Football”, të cilin gazetari e ruan ende me fanatizëm.

Ndërkohë, sa i përket votimit të tij për “Topin e Artë” të vitit 2022, “Panorama Sport” publikon përzgjedhjen që ka bërë Dizdari për yjet europianë, përfshi edhe trofeun e portierit “Trophee Yachine”.

Votimi i Dizdarit është ky:

“Topi i Artë”

Benzema         6 pikë

Mane               4 pikë

Mbappe           3 pikë

Vinicius           2 pikë

Lewandowski  1 pikë

Trofeu “Jashin”

Thibaut Courtois

Kevin Trap

Edouart Mendy