Një burrë që u shpëtua në fëmijëri nga Diego Armando Maradonës u arrestua në Rimini nga karabinierët italianë për shitje kokaine, raportojnë mediat në Apenine.

Për të, Diego Maradona luajti në baltë dhe rrezikoi shumë. Ishte 18 marsi 1985, në një fushë të vogël në periferi të Napolit, kur legjendari “El Pibe de Oro” organizoi dhe luajti vetëm një ndeshje bamirësie, pavarësisht se Napoli nuk dha pëlqimin.

Më pas Maradona arriti të organizonte një ndeshje, duke marrë me vete gjysmën e skuadrës së Napolit në mes të kampionatit të Serisë A. Kur u mor vesh për ndeshjen, erdhën shumë njerëz. Në një kohë të shkurtër u shitën pesë mijë bileta dhe në fund u mblodhën rreth 10 mijë spektatorë.

Falë asaj ndeshjeje u grumbulluan 20 milionë lira dhe në këtë mënyrë u siguruan burime financiare për operacionin në qiellzë të fëmijës së atëhershëm një vjeçar.

Quhet Luca Quarto, tashmë është 38 vjeç dhe në momentin e arrestimit i janë marrë 50 gramë kokainë, material ambalazhi dhe 5 mijë euro cash, të cilat i fitonte nga shitja e drogës.

“Maradona është si një baba për mua”, tha Luca Quarto në TV disa vite më parë, i cili u takua me Diegon në një shfaqje televizive në 2002.

Deri në gjyqin e caktuar për në 24 tetor, Luca Quarto do të qëndrojë në arrest shtëpie dhe i janë konfiskuar të ardhurat nga shtetësia.