Mesut Ozil i është nënshtruar së fundmi një ndërhyrje kirugjikale në shpinë teksa futbollisti që aktivizohet me Basaksehir në Superligën turke, do të jetë i detyruar të qëndrojë jashtë fushave për disa muaj.

Skenari më pozitiv për rikthimin e tij pritet të jetë 3 muaj, megjithatë gjithçka do të varet nga procesi i rikuperimit. Për fat, operimi doli me sukses dhe vetë Ozil e sqaroi diçka të tillë nëpërmjet një reagimi në rrjetet sociale.

Ozil u transferua këtë verë nga Fenerbahce te Basaksehir teksa në këtë sezon mes paraqitjeve në kampionat, kualifikueset europiane dhe Conference League mesfushori ka grumbulluar vetëm 21 minuta.