Humbja e fundit ndaj Udineses është ajo që ka ngjallur më shumë debat, teksa ish legjenda e zikaltërve, Giuseppe Bergomi u mundua të analizojë momentin e vështirë që po kalon skuadra e drejtuar nga Simone Inzaghi.

 

“Skuadra duket qartë që nuk është në nivelin e duhur fizik, por ajo që është më shqetësuese, është mungesa e dëshirës. E lehtë të akuzojmë mbrojtjen, por te goli i tretë i Udinesëes, Barella e la Arslan të shkojë I vetëm në zonë dhe nuk e ndoqi aspak për ta bllokuar. Lojtarët e Interit fitojnë pak dyluftime dhe disa më duket se kanë mbetur aty pa dëshirën e tyre, ndaj nuk i shoh të përqendruar në ndeshje. Nëse kësaj skuadre i rikthehet grinta dhe dëshira për të fituar, atëherë bëhet e frikshme, por kur qëndron kështu passive, nuk tremb asnjë kundërshtar”, u shpreh Bergomi.