Humbja e parë sezonale nuk është kapërcyer lehtë as nga drejtori sportiv Hasan Salihamixhiç.
Boshnjaku u shfaq mjaft i pezmatuar pas disfatës 1-0.
“Ndaj Augsburg mund të përkufizohet me termin katastrofë. Bajern vazhdon të jetë i njëjtë në 4 ndeshjet e fundit në kampionat, klubi prodhon por faza ofensive nuk tregohet e qartë në menaxhimin dhe konkretizimin e rasteve.
Ndaj Augsburg shpërdoruam 3 gola të sigurtë. Nuk e kuptoj se si mund të jemi kaq tolerante, aty ku edhe një pikë vlen në luftën finale drejt titullit.
Disiplina është e vetmja rrugë e cila të garanton suksesin, por që ne nuk po e shfaqim pas atij fillimi mbresëlënës”, deklaroi drejtori i bavarezëve.
© SYRI.net
Bëje LIKE dhe merr lajmin e fundit nga Sporti: