Vinicius Junior ka qenë në qendër të medieve ditët e fundit. E gjitha vjen pas një deklarate të Pedro Bravos, presidentit  të sindikatës së agjentëve spanjollë, i cili bëri komente raciste ndaj brazilianit në “TV El Chiringuito”. “Duhet të respektosh kundërshtarin. Kur shënoni gol ndaj kundërshtarit tuaj, nëse doni të kërceni samba, bëjeni në Brazil. Këtu, gjithçka që duhet të bëni është të respektoni lojtarët e tjerë dhe të ndaloni majmunët përreth.”

Natyrisht, kundërpërgjigja nuk vonoi shumë. Lojtari i Real Madridit mori menjëherë mbështetje nga shumë lojtarë brazilianë, për shembull Neymar. “Dribloni, kërceni dhe jini vetvetja! Ne do të kërcejmë së bashku për golin tënd të radhës ”, ka shkruar lojtari i PSG-së. Madje disa media në vend kanë reaguar si “TNT Sports Brasil”, e cila ka dërguar një mesazh mbështetjeje. Nëse Pedro Bravo donte t'u rikthehej fjalëve të tij, foli edhe “viktima” e kësaj afere të trishtë.

Vinicius denoncon racizmin

Në rrjetet e tij sociale, sulmuesi 22-vjeçar i Real Madridit ka thyer heshtjen. “Lumturia e një fituesi brazilian me ngjyrë në Evropë shqetëson shumë më tepër. Javë më parë filluan të kriminalizojnë kërcimin tim. Kërcime që nuk janë të miat. Ata i përkasin Ronaldinhos, Neymar, Paquetas, Griezmann, Joao Felix, Matheus Cunha... ata i përkasin artistëve brazilianë të funk dhe samba, këngëtarëve reggaeton dhe amerikanëve me ngjyrë. Këto janë kërcime për të festuar diversitetin kulturor të botës. Pranoje, respektoje...nuk do të ndalem.

Unë isha viktimë e ksenofobisë dhe racizmit në një deklaratë. Por asgjë nga këto nuk ka nisur dje. Vij nga një vend ku varfëria është shumë e madhe, ku njerëzit nuk kanë akses në arsim... dhe në shumë raste, nuk ka ushqim në tavolinë! (...) Kam zhvilluar një aplikacion për të ndihmuar në edukimin e fëmijëve në shkollat ​​publike pa ndihmë financiare nga askush. Unë dua që brezat e ardhshëm të jenë të përgatitur, si unë, për të luftuar kundër racistëve dhe ksenofobëve. Nuk do të ndalem së kërcyeri. Qoftë në Sambadrome, Bernabeu apo diku tjetër.” Mesazhi kaloi.