Luhen ditën e sotme dy ndeshje të tjera të javës së 5-të.

Në orën 15:00, në stadiumin “Adush Muça”, do të luhet sfida Bylis-Egnatia.

Skuadra e drejtuar nga Arian Bellai vjen pas fitores ndaj Laçit në transfertë dhe do të tentojë suksesin e dytë radhazi, e njëjta gjë vlen edhe për rrogozhinasit e Edlir Tetovës, të cilët në këtë takim vijnë pas fitoreve ndaj Laçit dhe Vllaznisë dhe do të kërkojnë të ruajnë këtë ecuri të rezultateve pozitive.

Në orën 18:45, në stadiumin “Niko Dovana” do të luhet dueli Erzeni-Laçi.

Shijakasit e Xhevahir Kapllanit aktualisht janë surpriza e Superiores ku deri tani nuk kanë pësuar asnjë humbje dhe gol, ndërsa kurbinasit e Dejan Vukiçeviç duan ringritjen pas tre disfatave radhazi.