Mbrëmjen e djeshme u luajt një prej supersfidave të javës së parë në Champions League mes Inter dhe Bayern Munich, e cila u fitua nga këta të fundit me rezultatin 0-2.

Megjithatë, një tjetër gjë mori vëmendjen e medieve në vendin tonë, por edhe atyre serbe. Gjatë intonimit të himnit të Ligës së Kampionëve njëri nga djemtë që qëndronte pranë lojtarëve po bënte me duar “Shqiponjën dykrenare”, e cila nuk pëlqehet në Serbi dhe që mediat në atë vend po e quajnë si një skandal.