Momente tensioni dhe nervozizmi u regjistruar pas eliminim të Partizanit në “Air Albania”. Të zhgënjyer nga disfata me 11-metërsha, tifozët e kuq, që gjendeshin mbas portës ku u gjuajtën penalltitë, sulmuan me sende të forta dhe kapsolle, portierin e Saburtalos.

U desh ndërhyrja e disa futbollistëve të Partizanit, që tifozët të zmbrapseshin, teksa portieri u transportua në një kënd tjetër të fushës.

Nervozizmi vazhdoi edhe në mesin e fushës, në përplasjen mes disa pjesëtarëve të stafit të Partizanit dhe atyre gjeorgjianë. Nuk mungoi dhuna as në shkallët e stadiumit, ku ndodheshin afro 20 tifozë gjeorgjianë.