Ish-sulmuesi i Skënderbeut, Ali Soue, do të vijojë karrierën në elitën e futbollit turk. Futbollisti nga Gambia, së fundmi ishte pjesë e Rostovit në kampionatin rus, teksa është huazuar për një sezon te Ankaraguçu.

Lajmi për huazimin e Soue te skuadra verdhezi, është bërë publik nga vetë klubi turk, nëpërmjet një postimi në faqen zyrtare. Vlen të theksohet se 28-vjeçari shkëlqeu në kampionatin shqiptar me fanellën e Skënderbeut në sezonin 2017-2018, ku shënoi 21 gola në 33 ndeshje, duke u shpallur edhe golashënuesi më i mirë i kampionatit.

Gjatë karrierës së tij, Soue është aktivizuar me Kievon, Juve Stabian, Peskarën, Latinën, Modenën, Leçen, Praton, Vibonesen, CSKA Sofian dhe Rostovin.