Ronald Koeman nuk është më trajner i Barcelonës. Humbja kundër Rayo Vallecanos ka qenë fatale, pasi erdhi tre ditë pas disfatës në El Clasico, e cila kishte sjellë edhe reagimin e tifozëve, të cilët kishin sulmuar makinën e trajnerit në daljen e "Camp Nou-t".

Kështu përfundon një aventurë e nisur në verën e vitit 2020 dhe në fakt në ekuilibër që nga ardhja e Joan Laporta-s në presidencën e klubit katalanas. Holandezi do të përshëndesë skuadrën dhe klubi tashmë po punon për të gjetur një zëvendësues.