Vendimi për pranimin ose jo të apelimit nga Lucas Hernadez mbi çështjen e dhunës ndaj të dashurës së tij nga gjykata spanjolle ka nervozuar kampionët gjerman të Bayern Munich..

Një rrethanë që e ka nervozuar Bayern Munich . Nëse gjykata nuk vendos në kohë për apelimin, futbollisti francez, ish- lojtar i Atletico Madridit, do të duhet të vuajë dënimin me gjashtë muaj burg jo më vonë se të enjten e ardhshme.

Dënimi u shqiptua në vitin 2019 sepse Hernández kishte injoruar ndalimin e kontaktit të vendosur në 2017 pas një mosmarrëveshjeje të dhunshme me gruan e tij të ardhshme. Të hënën e kaluar, 25-vjeçari u njoftua zyrtarisht nga Gjykata Penale numër 32 e Madridit se do të duhej të fillonte paraburgimin 6-mujor jo më vonë se dhjetë ditë më vonë.

Kampioni i botës 2018 u transferua nga Atlético Madrid te Bayern Munich dy vjet më parë si një blerje rekord për rreth 80 milionë euro.

Ora po kalon dhe në Gjermani ata pyesin nëse ndeshjet kundër Hoffenheim dhe në Kupën kundër Mönchengladbach mund të jenë të fundit që ai luan për ekipin e tij në muajt e ardhshëm.

Afati skadon të enjten, më 28 tetor 2021. Lucas Hernández shpreson që ankesa të pranohet. Nëse dënimi me burg vazhdon, Hernández nuk mund ta kryejë atë jashtë vendit, për shembull në Gjermani . Në rastin më të keq për të dhe Bayern Munich, ai do të mungonte deri në prill 2022.