Edin Dzeko ishte protagonist absolut në fitoren me përmbysje 2-1 të Interit kundër Sassuolos. Sulmuesi boshnjak u fut në fushë (minuta 57) nga stoli dhe vetëm pas një minute (minuta 58) shënoi golin e barazimit, ndërsa në minutën e 78-të fitoi penalltinë e cila u ekzekutua mjeshtërisht nga Lautaro Martinez.

Me golin e mbrëmshëm, Dzeko theu rekordin e Ronaldo Fenomenit duke shënuar gjashtë gola në shtatë ndeshjet e para, dhe i fundit që e kishte bëtë këtë ishte një nga lojtarët më të mirë të të gjitha kohërave, në sezonin 1997/1998.

Në një deklaratë për mediat pas ndeshjes, Dzeko tha se Interi ka shumë lojtarë të talentuar dhe se jo të gjithë mund të luajnë si titullar.

"Ne hymë në fushë për të ndryshuar lojën tonë, kjo ishte edhe ajo që trajneri në kërkoi. Kemi shumë lojtarë të talentuar që nuk mund të jenë në fushë në të njëjtën kohë," tha Dzeko në fillim të intervistës për “Sky Sports Italia” dhe vazhdoi:

"Kur futeni në fushë, duhet të jepni më shumë se 100 përqind, dhe kjo është ajo që ne bëmë dhe u shpërblyen fund."

Dzeko më pas tha se ai priste një fillim efikas të sezonit dhe se kjo ishte gjithashtu arsyeja pse erdhi në Milano. Sidoqoftë, klubi ende nuk ka shënuar një gol në Ligën e Kampionëve, kështu që Dzeko gjithashtu iu përgjigj dy pyetjeve.

"Nuk ka asnjë shpjegim pse është kështu, dhe është më e lehtë të gjykosh ndërsa je ulur në një kolltuk para televizorit. Fatkeqësisht, nuk kemi shënuar ende një gol në Ligën e Kampionëve, por kjo është një fitore jashtëzakonisht e rëndësishme në Serie A, "thotë Dzeko.

"Unë prisja ta nisja sezonin fuqishëm, i di cilësitë e mia dhe kjo është arsyeja pse Interi më mori. Gjithmonë jap maksimumin tim, pavarësisht nëse jam në formacionin shartues apo kur hyj nga stoli."