Gilman Lika ka vendosur të “var këpucët në gozhdë” pas një karriere 17 vjeçare në futbollin aktiv.

Ish-kapiteni i Vllaznisë, shkelmoi topin e parë në “Loro Boriçi” mbrëmjen e djeshme në sfidën ndaj Teutës (1-1).

Lika mori duartrokitjet mëse të merituar nga publiku shkodran që e kishte idhull për shumë vite, që kur debutoi me kuqeblutë në vitin 2004.

Përveç Vllaznisë, Lika është aktivizuar në karrierën e tij edhe me Haçetepe, Boluspor, Dibakirspor dhe Al Faisal, Flamurtarin dhe Tiranën. Ndërkohë, ai ka luajtur në 19 ndeshje me fanellën e përfaqësueses shqiptare A.