Në fushë, ishte e vështirë të mos kishe frikë nga Rio Ferdinand. Por në jetën e tij, ish -ylli i Manchester United ka kaluar përvoja dhe periudha të vështira që e kanë ndryshuar rrënjësisht.

Mbrojtësi anglez, i fortë fizikisht dhe po kompromis në fushën e lojës, ka qenë prej vitesh një nga makthet e sulmuesve në Kontinentin e Vjetër. Megjithatë, në shumë raste ai luftoi me demonët jashtë fushës, përfshirë problemet me alkoolin ndërsa ishte ende një futbollist i ri tek West Ham.

Gazeta spanjolle “Marca” ka përmbledhur disa nga ngjarjet e Ferdinand të cilat tregojnë se jo gjithçka në jetën e yjeve të mëdhenj të futbollit është përrallore.

“Kur isha i ri isha i çmendur, mund të kaloja gjithë ditën duke pirë. Mund të pija dhjetë gota birrë dhe pastaj të kaloja në vodka. Në West Ham kishte një kulturë "alkoolike", ne pinim gjithmonë pas ndeshjeve. Unë kam boshllëqe në kujtesën time nga ajo periudhë, njerëzit më pyesin për rezultatet e disa ndeshjeve, por nuk i mbaj mend. Unë pija gjithë ditën dhe luaja futboll. Ne jetuam mes futbollit, alkoolit dhe diskos ", tha Ferninad.

Mbrojtësi  i madh më pas u transferua tek Manchester United ku fama dhe fitoret e prisnin. Por në vitin 2015, goditja më e rëndë në jetën e Ferdinandit vjen. Gruaja e tij Rebecca u diagnostikua me kancer në gji dhe ajo vdiq disa javë më vonë dhe Rio mbeti vetëm me tre fëmijë të vegjël.

"Askush nuk është i gatshëm të përballojë një humbje të tillë. Para se të ndërronte jetë, ajo më tha se do të isha një baba dhe nënë e mrekullueshme për fëmijët tanë. As nuk e mendoja se do të ndodhte, por dhjetë javë pas diagnozës ajo vdiq. Në fillim piva shumë, natën, pasi i dërgoja fëmijët në shtrat, derisa një ditë u ngrita dhe as nuk mund t'i çoja në shkollë. E kuptova atëherë që nuk mund të vazhdoja kështu.Gjithashtu kisha panik, "pranoi ish-lojtari i madh...

Rio është shumë më mirë tani, gjithashtu falë futbollit dhe angazhimit si analist dhe komentator ekspert i respektuar. Por disa plagë nuk mund të shërohen kurrë.

Mbrojtësi legjendar e mbylli karrierën e tij në 2015 me fanellën e Queens Park Rangers, dhe gjatë karrierës si futbollist, përveç Manchester United dhe West Ham, luajti për Bournemouth dhe Leeds United.